Naghisgot si Bise Presidente Sara Duterte sa samad sa iyang liog nga unang namatikdan sa publiko sa iyang pagtambong sa Independence Day flag-raising ceremony sa Davao City niadtong Hunyo 12.
Kini human sa usa ka video nga gi-post online sa usa ka wala mailhing tawo nga nangutana sa ikaduhang presidente kung unsa ang nahitabo sa iyang liog.
Sa tubag ni VP Sara, migamit kini ug pulong nga ‘gurgur’ ug gibutyag nga wala matud pa nagmalampuson ang mihimo niini kaniya.
Samtang, dihang subling mapangutana si VP Sara sa usa ka ambush interview sa Cagayan de Oro niadtong Martes human nga mikatag inline ang maong video, gipaklaro sa bise presidente nga dili na kinahanglan pa nga i-interpret ang iyang gisulti tungod ‘very straightforward’ na kini.
Dihang gipangutana usab kung kinsa ang iyang ginatumbok tubag ni VP Sara nga silang tanan apan wala kini gipanganlan.
