-- ADVERTISEMENT --
Pangunahan ni Vice President Sara Duterte – Carpio ang panagtapok sa The Hague, Netherlands karong Mayo 31, dungan sa iyang ika-47 nga adlawng natawhan.
Tuyo sa maong panagtapok aron madani ang International Criminal Court (ICC) nga buhian ang kanhi presidente Rodrigo Duterte sa prisohan.
Ang nasangpit nga panagtapok gipasiugdahan sa mga Filipino community sa Europe diin pipila ka mga Filipino ang mibiyahe pa gikan sa ubang bahin sa Europe aron motambong sa maong panagtapok.
Ang Bise Presidente giubanan sa iyang inahan, si Elizabeth Zimmerman, diin ilang gibisita ang kanhi presidente sa iyang selda sa prisohan.
Kahinumduman nga nasikop ang kanhi presidente sa ICC kaniadtong Marso 11 tungod sa duguo-ng kampanya batok sa ilegal nga drugas.
-- ADVERTISEMENT --
