Nibutyag si Vice President Sara Duterte nga si kanhi House Speaker Ferdinand Martin Romualdez nalambigit dili lang sa kurapsyon sa mga flood control projects kon dili sa illegal nga sugal.
Matod ni VP Sara, sukad sila ni Presidente Ferdinand Marcos Jr., nilingkod isip presidente ug bise presidente sa nasud, nakadungog na sila sa giingong paghatod og kuwarta sa mga maleta.
Apan matud pa niya nga karon lang kini nabutyag tungod kay niabot ang usa ka testigo atol sa nagpadayong mga hearing sa kurapsyon sa mga proyekto sa gobyerno.
Dugang pa ni VP Sara nga dili talagsaon alang kang Romualdez ang maong mga uso tungod kay nalambigit man ang kongresista sa kasong Okada.
Matud pa ni VP Sara nga wala siya masurprisa nga nalambigit sa kurapsyon ang kongresista.
Samtang, gipaambit ni VP Sara nga nabalaka si kanhi Presidente Duterte sa giingong kurapsyon sa mga flood control projects sa nasud
