Masaligon si Vice President Sara Duterte nga modaog siya sa iyang impeachment trial sa Senado, nga gikatakdang sugdan sa Hulyo ning tuiga.
Sa interbyu, ang bise presidente niingon nga nakigtagbo dayon siya sa iyang mga abogado sa iyang pag-abot sa nasod gikan sa The Hague, Netherlands.
Kahinumduman nga halos usa ka buwan nga nipabilin sa nasod ang bise presidente aron motabang sa pagtukod sa defense team sa iyang amahan nga si kanhi Presidente Rodrigo Roa Duterte.
Matod ni VP Sara, masaligon usab ang iyang legal team nga dako ang kahigayonan nga makadaog sila sa kaso.
Bisan pa niini, nagdumili ang bise presidente sa pagpaambit sa ilang pagpangandam sa gikatakdang impeachment trial sa Hulyo. Si VP Sara Duterte na-impeach kaniadto sa Kamara.
Samtang, lakip sa gibasihan sa impeachment mao ang giingong sayop nga paggamit sa pundo sa gobyerno ug uban pang kalapasan.
