Mibalik na sa Pilipinas si Bise Presidente Sara Z. Duterte human sa halos usa ka buwan nga pagpabilin sa The Hague, Netherlands. Sa impormasyon gikan sa Office of the Vice President (OVP), ang Bise Presidente niabot sa Ninoy Aquino International Airport (NAIA) kagahapon, Dominggo, Abril 06 2025, mga alas 9:56 sa gabii pinaagi sa Emirates Airlines flight no. EK 334.
Kahinumduman nga nagpabilin si VP Sara Duterte sa The Hague, Kingdom of the Netherlands, sukad niadtong Marso 12 human sa pagkasikop sa iyang amahan, si kanhi Presidente Rodrigo Duterte, kinsa anaa karon sa International Criminal Court (ICC) detention facility tungod sa kasong crimes against humanity.
Gipaabot nga sa mosunod nga mga adlaw mopagawas na og mga pamahayag ang Bise Presidente sa ubang importanteng butang o isyu nga iyang giatubang karon sumala sa OVP.
