GENERAL SANTOS CITY -Kutob karong Biyernes na lang ang pagpahigayon sa mga pampublikong tulunghaan sa dakbayan og virtual graduation og moving-up-ceremony sa mga estudyante.
Matud kang DepEd-GenSan Schools Division Superintendent Romelito Flores, wala ginatugot ang face to face graduation tungod gihapon sa pandemya.
Gibutyag sa opisyal nga dako ang kalahian karon og kaniadto nga pagpahigayon og graduation sa mga magtutungha kung asa alang kaniya, mas nindot pa ang set-up kaniadto dihang wala pa ang pagtumaw sa covid 19.
Sa pamahayag sa nasampit nga dili makalimtan ang graduation ceremony kaniadto tungod sa lain laing emosyon nga mugawas kung diin mahimong maggakos og maghinilakay ang mga estudyante tungod sa ilang kalipay nga nakagradwar lahi karon tungod picture na lang sa estudyante, teachers, og confirmation ang makit-an sa virtual ceremony kung diin recorded na lang ang pagtawag sa pangalan sa mga graduates.
Sukwahi usab karon itandi kaniadto nga makahimo sa pag-martsa, magsul=ob og toga og magtaud og garlan atol sa graduation.
