Naghinamhinam na ang katawhan sa ipahigayong victory parade sa Massachusetts USA alang sa Boston Celtics human nga masungkit nila ang ilang ika-18th championship dihang gipildi ang Dallas Mavericks.
Matud ni Bombo International Correspondent Harold Mortel sa Boston Massachusetts, gianunsyo ni Boston Mayor Michelle Wu nga ipahigayon ang maong parada sa Sabado oras sa Pilipinas, ug Biyernes sa buntag didto .
Sa maong adlaw , libre ang mga public transportation alang sa publiko nga gustong saksihan ang parada. Iyang giangkon nga sukad dies anyos pa lamang siya sa iyang paghidangat sa Boston, fan na siya sa Celtics.
Magsugod ang parada sa home court sa team sa TD Garden ug mulibot sa pipila bahin sa Boston SUSAMA sa Causeway Street, City Hall PLAZA OF Boston ug mahuman kini sa Hynes Convention Center.
Kahinumduman nga gipildi sa Celtics ang Mavericks sa Game 5 Finals sa mismong homecrowd sa Boston. Sa maong kadaugan gitapos na sa Celtics ang dugay ng pag-tabla nila sa Los Angeles Lakers sa may pinakadaghang championship sa kasaysayan sa NBA.
