Gipahimangnoan ni Vice Ganda ang mga kabatan-onan, ilabi na ang mga student-athlete, nga limitahan ang ilang paggamit sa internet ug social media aron malikayan ang negatibong epekto niini sa ilang mental health ug performance.
Matud ni Vice Ganda, bisan dako og ikahatag ang social media, mahimo usab kini’g makadaot kung sobra na ang oras nga gigahin sa pagtan-aw ug pagbasa sa mga content ug komento online.
Gipasabot niya nga ang sobra nga pag-tutok sa social media mahimong dili dayon mabantayan sa usa ka tawo hangtod nga siya na mismo ang murag mahurot tungod niini.
Alang sa mga student-athlete, giingon ni Vice nga ang negatibong mga komento bahin sa ilang performance mahimong makaapekto sa ilang mental health ug sa ilang pagdula.
Giawhag usab niya ang mga kabatan-onan nga hatagan og panahon ang ilang pamilya, pagtuon ug pakig-istorya sa mga tawo sa personal, tungod kay dili lamang sa social media naglibot ang kinabuhi.
Bisan pa og milyon ang iyang followers sa social media, giingon ni Vice nga dili siya kanunay online ug kasagaran iyang social media team ang naghatag kaniya og update kung unsay nahitabo sa internet.
Gihatagan usab ni Vice Ganda og mensahe ang Gen Z atol sa UAAP Season 89 opening ceremony, diin giawhag niya ang mga kabatan-onan nga moapil sa mga diskusyon bahin sa kaugmaon sa nasud ug maampingong mopili sa mga lider nga makatabang kanila sa kinabuhi.
