Namatay na ang sikat nga martial artist ug Hollywood actor nga si Chuck Norris sa edad nga 86.
Gikumpirma sa iyang pamilya ang kamatayon sa aktor samtang anaa kini sa Hawaii.
Wala silay gihatag nga rason sa kamatayon sa aktor ug nangayo og pribadong higayon niining panahuna. Misikat ang aktor niadtong dekada 80 sa martial arts ug action movies.
Nailhan siya sa iyang papel isip Texas Ranger Cordell Walker sa CBS TV show nga “Walker, Texas Ranger” niadtong 1990.Sa bag-ohay nga mga tuig, nagpakita siya sa mga pelikula, ang katapusan niini niadtong 2012 sa pelikulang “The Expandables 2”.
Nakakuha siya og ‘black belt’ sa daghang ‘martial arts event’ ug nakadawat sa ‘Hollywood Walk of Fame’ niadtong 1989.
Gisaulog sa beteranong aktor ang iyang ika-86 nga adlawng natawhan niadtong Marso 10.
Natawo niadtong 1940 sa Oklahoma ug nagserbisyo siya sa US Air Force gikan sa 1958 hangtod 1962.
