Ang utang sa Pilipinas moabot sa P17.71 trilyon sa katapusan sa 2025.
Kini gibase sa datos nga gipagawas sa Bureau of the Treasury.
Sumala sa ahensya, ang utang sa gobyerno sa katapusan sa Disyembre 2025 misaka og 10.32% o P1.66 trilyon gikan sa utang nga P16.05 trilyon niadtong Disyembre 2024.
Ang kantidad milapas usab sa kisame o sa kinatas-ang utang nga unta gihulam sa gobyerno nga P17.36 trilyon.
Usa sa mga hinungdan nga gihisgutan sa ahensya mao ang epekto sa pag-ubos sa bili sa Peso batok sa dolyar sa US ug mga ikatulong kwarta lakip ang Euro ug ang Japanese Yen.
Gidugang sa ahensya nga kadaghanan sa utang sa Pilipinas o 68.4% gikan mismo sa nasud.
Niabot sa P5.59 trilyon ang utang sa gawas sa nasud, misaka og 9.19% gikan sa P5.12 trilyon sa katapusan sa 2024.
Sumala sa Budget of Expenditures and Sources of Financing, ang utang sa Pilipinas gilauman nga moabot sa P19.057 trilyon karong tuiga.
