Nakit-an sa mga otoridad ang usa sa duha ka flight data recorder o ang black box sa nahagsa nga eroplanong pampasahero sa Air India.
Matod sa civil aviation minister, ilang nakit-an ang black box sa crash site sa Ahmedabad.
Padayon usab ang ilang pagpangita sa laing black box sa nahisgutang lugar.
Ang Prime Minister sa India nga si Narendra Modi personal nga mibisita sa lugar diin nahagsa ang eroplano.
Ang mga imbestigador gikan sa United Kingdom ug US nagsugod na usab sa ilang imbestigasyon aron masayran ang hinungdan sa aksidente.
Nagdagkot og kandila ang mga residente duol sa lugar isip timaan sa simpatiya sa mga biktima.
Moabot sa walo ka mga tawo ang nangamatay sa dapit diin nahagsa ang eroplano samtang unom ka mga lawas ang gitugyan ngadto sa mga pamilya sa mga biktima human kini mailhan sa ilang mga kabanay
.
Kahinumduman nga kalit nga nahagsa ang Air India pipila ka minuto human kini milupad paingon sa London.
Sa 242 ka mga tawo nga sakay sa eroplano, usa ra ang naluwas, usa ka Briton nga ginganlag Vishwashkumar Ramesh.
