GENERAL SANTOS CITY- Nakaluwas sa kamatayon ang usa ka mananagat human gisulayan ug pusil sa riding in tandem, duol lamang sa presinto sa Tambler PNP.
Giila ang biktima nga si Conrado Redimeo, hamtong, residente sa Prk 11-B Brgy Fatima ning siyudad.
Nahitabo ang insidente alas-6:50 kagabii, sa Lower Acharon, Brgy Calumpang, ning siyudad.
Mao pa lamang ang pagnaog sa biktima sa van gikan Maasim, dihang gipabuthan gamit ang gamit ang caliber 45 pistol, sa mga suspek nga sakay sa XRM 125 nga motorsiklo.
Pulos matud pa nakamaskara ang mga suspek, kung asa ang gunman ang nagkalo, samtang ang driver ang nagsul-ob ug helmet.
Nakaangkon ang biktima ug daplis sa suwang ug gidala sa balay-tambalanan.
Sa inisyal nga imbestigasyon, gituuhang personal nga bangi ang motibo sa naasoy’ng pagpamusil.
