GENERAL SANTOS CITY – Buot mutabang si Konsehal Edmar Yumang sa iyang panyero nga si Konsehal Dominador Lagare Jr. nga gustong ipailawom sa kooperatiba ang tulo ka cluster sa traysikel dungan sa pagpatuman sa ordinance number 37 series of 2018.
Nagtuo pa si Konsehal Yumang nga iya iya lamang ni Konsehal Lagare ang giingon nga kamandu-an ni Mayor Lorelie Pacquiao nga mag organisa ug kooperatiba.
Gani gibutyag sa Konsehal nga sayop ang interpretasyon ni Lagare nga mag-isyu ug prangkisa ang Sangunian Panglungsod ug ihatag sa mga kooperatiba. Matud niini nga isip usa ka collegial body dili mag-inusara si Lagare sa pag-isyu ug prangkisa samtang ginakwestyon nga otoridad sa Konsehal nga manakop ug traysikel human mihatag ug deadline nga Oktobre 21.
Gitawag niini nga walay basehan nga balaud si Kagawad Lagare nga panakpon ang mga traysikel nga dili maapil sa kooperatiba luyo nga dili mapugos ang kinsa mang indibidwal aron magpa myembros a kooperatiba samtang may katungod usab nga mubalibad ang kisan mang general sa gipamugos nga kooperatiba.
Una nga gipaklaro nga ilawom sa local government code ang muhatag ug mukansela ug prangkisa mao lamang ang Sangunian Panglungsod ug wala nay lain pa.
