Mitaas ang presyo sa manok ug itlog sa mga palengke base sa monitoring sa Department of Agriculture (DA). Kini bisan pa ug gipaubsan sa mga poultry raiser ang farm gate price sa naasoy nga poultry products.
Luyo niini, gipaniguro usab ni Agriculture spokesperson ASec.
Arnel de Mesa nga tutukan ang naasoy nga produkto nga kabahin sa commodities nga kanunay paliton sa mga mamalitay.
Sa nahimong pahayag sa mga naninda ug manok ug itlog gipaklaro nila ang hinungdan sa pagsaka sa presyo sa naasoy nga produkto.
Base usab sa datos gikan sa DA, anaa sa P80 kada kilo na lang ang farm gate price sa mga manok apan paghidangat sa mga palengke mukabat sa P220 per kilo ang ilang baligya.
Samtang sa itlog miubos hinuon ug 50 centavo ang matag itlog apan nagpabilin gihapon sa P8 hangtud P9 ang baligya niini sa mga pwesto.
