Gibutyag ni US President Donald Trump nga iyang pagadumalahan ang Venezuela hangtod sa panahon nga mahitabo ang iyang gihulagway nga luwas, husto, ug maayong pagbalhin sa gahum.
Gipakita ni Trump nga temporaryo lang kini apan kinahanglanon ang papel sa US, ug miingon nga dili nila gustong tugotan nga laing tawo ang mosulod sa gahum samtang dili pa lig-on ang kahimtang.
Matod pa niya, ang tumong mao ang kalinaw, kagawasan, ug hustisya alang sa mga Venezuelan, lakip na ang mga nakalingkawas sa Venezuela ug nanghinaut nga makabalik sa ilang nasud.
Nagpasidaan usab siya nga ang U.S andam nga mo-eskalar pa kon gikinahanglan.
Namulong si Trump atol sa usa ka press conference niadtong Sabado pipila ka oras human gibombahan sa mga espesyal nga pwersa sa U.S ang Caracas ug gidakop ang diktador nga si Nicolas Maduro ug ang iyang asawa nga si Cilia Flores, gidala sila sa New York aron atubangon ang mga kaso sa pagpamaligya og droga.
