Usa ka U.S. journalist, nga giila nga si Jeffrey Goldberg, ang aksidente nga na-add sa usa ka group chat kung asa gina istoryahan sa tagt-as nga opisyal sa Amerika lakip na sila US Defense Secretary Pete Hegseth ug US Vice President JD Vance, ang nagkaduol nga airstrike batok sa mga Houthi rebels sa Yemen.
Giangkon sa White House ang security breach ug niingon nga wala gituyo nga nadugang ang usa ka numero asa usa ka chat .
Kahinumduman nga ang mga airstrike, nga gianunsyo ni US President Donald Trump kaniadtong Marso 15, gidomina sa mga detalye nga gipaambit sa chat, lakip ang kasayuran bahin sa mga target ug oras sa pag-atake, nga wala gipadayag ni Goldberg.
Bisan pa man nga adunay nahitabo nga pag leak, gitawag kini ni Trump ang airstrike isip “very effective.”
Sumala sa leak nga mikaylap sa Estados Unidos, si US Defense Secretary Hegseth nagpadala ug detalyadong impormasyon bahin sa welga, lakip na ang oras sa pagbuto niini sa bahin sa Yemen diin nakabase ang mga rebeldeng Houthi.
Nagpahinabo kini ug dakong kasuko sa mga Democrats, diin ang US Senate Minority Leader Chuck Schumer miingon nga kini usa ka paglapas sa military intelligence ug nangayo ug dinaliang imbestigasyon.
Samtang gisaway usab ni US Senator Jack Reed ang pagkaylap sa leak ug giingon nga ang kakuwang sa pag-amping sa mga kabinet ni Trump makonsiderar nga peligro.
