Misaad ang Estados Unidos, Japan ug Korea nga mohatag og P1.6 bilyones sulod sa lima ka tuig aron matabangan ang Pilipinas sa pagpalambo sa serbisyo sa panglawas sa Bangsamoro Autonomous Region in Muslim Mindanao (BARMM).
Nagkahiusa ang US Agency for International Development (USAID), ang Japan International Cooperation Agency (JICA) ug ang Korea International Cooperation Agency (KOICA) aron mapalambo pa ang Universal Health Care sa rehiyon.
Ubos sa Memorandum of Cooperation, ang tulo ka ahensya makig-alayon sa BARMM’s Ministry of Health (BARMM-MOH), Department of Health (DOH), lokal nga komunidad.
Ingon man ang uban pang importanteng stakeholders alang sa mas maayong sistema sa impormasyon sa panglawas.
Dugangan usab nila ang public health financing nga ipasiugda ang maayong pamatasan sa panglawas sa publiko; ang kalidad nga serbisyo sa pag-atiman sa panglawas nga mapalapad, ug ang pag-access sa hinungdanon nga mga tambal ug pasilidad.
