Gihangyo ni U.S. First Lady Melania Trump si Russian President Vladimir Putin nga ipatuman ang kalinaw alang sa mga kabataan human nga personal nga gihatag ni U.S. President Donald Trump ang usa ka sulat kang Putin atol sa Alaska Summit niadtong Agosto 15.
Sumala sa report , dayon nga gibasa ni Putin ang sulat atubangan sa ilang mga delegado.
Bisan og wala kini direkta nga naghisgot sa giyera sa Ukraine, klaro ang mensahe sa sulat nga nag-ingon: “Mr. Putin, you can singlehandedly restore their melodic laughter… You serve humanity itself.”
Matud pa ni Trump, dako ang impluwensya sa iyang asawa sa anan-aw kang Putin.
Una niini gibarugan ni Trump ang ceasefire apan human sa summit, giusab niya ang iyang desisyon ug giingon nga ang labing epektibong pamaagi aron mahuman ang kagubot mao ang direkta nga kalinaw.
Sa laing bahin, dugay na nga gisugyot ni Putin ang sa peace talks, apan gikuwestiyon sa Ukraine ug sa mga kaalyado sa Europa, nga ilang gihulagway nga estratehiya lamang sa Russia aron makabawi.
