GENERAL SANTOS CITY-Usa ka upat ka bulan nga batang babaye ang apil sa 12 nga bag-ong kumpirmadong natakbuyan sa coronavirus disease 2019 sa Rehiyon dose.
Sa kasamtangan anaa na sa 231 ang confirmed cases sa Soccsksargen human nga nagpositibo kagahapon sa maong sakit ang pito nga residente sa Sultan Kudarat nga may travel history sa Metro Manila og Cebu; upat ka residente sa Sarangani Province ang nagpositibo kung asa gikan sa Quezon City, Paranaque samtang ang usa ang padayong giimbestigahan kung sa unsa nataptan sa coivd19 samtang 4 months old lang nga taga Cotabato City ang pinakabata nga bag-ong nataptan sa virus. Sa kasamtangan, ang Sarangani aduna na karon 60 ka kaso sa covid19 (12 nakarekober) gisundan sa South Cotabato nga adunay 40 ( 32 ang nakarecover ) dayon ang Sultan Kudarat adunay 40 ka mga kaso (26 ang nakarekober); ang North Cotabato may 34 ka confirmed cases, usa ang kumpirmadong namatay tungod sa covid 19 og 11 ang nagmaayop na gikan sa sakit. Ang GenSan aduna nay 30 ka kumpirmadong kaso og lima niini ang nagmaayo na sa sakit og ang Cotabato City, may 27 ka kaso sa covid 19 kung asa 19 ang naulian na.
Samtang, mukabat na sa 105 ang nakarekober kini human nga kagahapon adunay upat nga nagnegatibo na sa sakit.
Naulian na gikan sa sakit ang 23 og 2years old nga residente sa Sarangani Province. Ang 60 anyos nga lalaki nga taga Sarangani Province og 44 anyos nga lalaki nga taga Sultan Kudarat ang naulian na usab sa makamatay nga sakit.
