Magsugod na ang Department of the Interior and Local Government (DILG) sa paglunsad sa unified 911 emergency call system karong Hulyo.
Sa usa ka press conference, gipahibalo ni DILG Secretary Jonvic Remulla nga ipagawas na karong semanaha ang SARO o Special Allotment Release Order para sa maong inisyatiba.
Matod sa kalihim, magsugod ang inisyal nga pagpanglusad sa sistema sa Ilocos Region, Central Visayas, Bangsamoro Autonomous Region in Muslim Mindanao (BARMM), ug sa National Capital Region, apil na ang mga probinsya sa Greater Metro Manila sama sa Cavite, Laguna, ug Rizal.
Gitinguha usab nga ipalapad pa ang pag-rollout sa 911 emergency call system matag bulan hangtod matabunan ang tanang 18 ka rehiyon sa nasud.
Ubos sa unified 911 system, usa na lang ka hotline ang magamit sa tanang tawo nga nagkinahanglan og tabang bisan asa pa sila sa Pilipinas.
Ang Bureau of Fire Protection (BFP) ug ang Philippine National Police (PNP) ang mokabat sa mga tawag ug mokanhi sa mga sitwasyon nga nanginahanglan og ilang serbisyo.
Magamit usab ang teknolohiya sama sa geolocator ug live streaming aron masayran dayon ang eksaktong lokasyon ug kahimtang sa nanginahanglan og tabang.
