DAVAO CITY- Gipasabot sa Philippine National Police kung nganong milungtad ug dugay ang pagpangita sa underground facility sa Kingdom of Jesus Christ(KOJC) compound sa padayon nga pagpangita kang Pastor Apollo Quiboloy.
Sumala pa ni PNP Public Information Office Chief Col. Jean Fajardo, nga ang underground facility nga padayon nga ginapangita sa kapulisan ang gama sa baga nga bato ug baga nga metal.
Gihimo sumala pa kini alang sa man-made calamity o natural made disasters.
Sa karon, nakasentro ang otoridad sa pipila ka mga “specific areas” sa KOJC compound gumikan sa mga natumbok nga kalihokan sa underground facility.
Gibutyag usab sa opisyal nga ginabantayan pag-ayo karon ang mga posibleng “escape route” ni Quibooloy ug sa mga kaubanan niining akusado.
