Malampuson ang unang adlaw sa pilot implementation sa face to face classes sa Aspang Elementary School sa San Jose ning syudad.
Matud pa ni Deped GenSan Supt. Rommelito Flores, nga didto siya nagtulog sa eskwelahan aron masaksihan ang tanan nga mahitabo.
Gikalipay niini gumikan human ang kapin sa usa ka tuig tungod sa pandemnya nakabalik ang ubang mga estudyante sa eskwelahan.
Dili pwede makasulod ang ginikanan sa eskwelahan kung asa hangtud lang sa gate.
Sunduon sa magtutudlo kung asa i-check ang temperature og maghugas sa kamot.
Anaa lang sa tulo ka oras ang klase kung asa mga magtutudlo ang gibahin sa team A og B og didto sila sa tulunghaan matulog.
Kahibaluan nga ang Aspang Elementary School ang nag-inusara nga eskwelahan sa tibook Gensan nga apil sa pilot implementation sa face to face classes.
Hugot nga gipatuman ang mga health protocols kung asa may cover nga plastic ang lingkuranan sa mga estudyante. Gatuo si Dr. Flores nga mas madugangan pa ang mga eskwelahan nga makapahigayon og limited face to face classes.
