GENERAL SANTOS CITY – Lubog gihapon sa tubig-baha ang daghan pang lugar sa Pikit North Cotabato tungod sa nasinatiang kusog nga pag-ulan sa sunod-sunod nga mga adlaw.
Matud pa kang Joriemae Balmediano, ang tigpamaba sa Office of the Civil Defense (OCD) 12, ang apektadong lugar ang nalakip sa low lying areas og duol usab sa Liguasan Marsh kung asa ang tubig gikan sa taas nga bahin sa North Cotabato ang gaadto sa maong lugar.
Gibutyag pa niini, siyam ka LGU ang apektado sa pagbaha apil niini ang Makilala. M’lang, Matalam, Carmen, Kabacan, Pikit, President Roxas, Alamada og Pigcawan.
Sa pamahayag pa ni Balmediano nga kapin sa 900 ka pamilya ang anaa sa mga evacuation centers human sila gihikling sa mga otoridad human nga gisulod og tubig baha ang mga pinuy-anan.
Sa pagkakaron, wala pa mahuman ang gipahigayong assessment sa mga LGU sa damyos sa ilang tagsa ka lugar tungod may pipila ka lugar pa ang dili maadtuan tungod taas gihapon ang lebel sa tubig baha.
