GENERAL SANTOS CITY- Gikalipay sa CEMCDO Gensan ang pagkunhod sa kaso sa Covid-19 gumikan tungod nag-anam-anam na ug kakusog ang turismo sa dakbayan sa Heneral Santos.
Kahibaluan nga gipaluagan ang mga restriksyons nga gipatuman sa syudad tungod padayon nga gaubos ang kaso sa maong virus.
Sumala kang Droy Alcaya, tourism officer sa CEMCDO GenSan, nga sa talaan sa Mayo, mukabat sa 109, 787 ang domestic nga overnight tourist, samtang adunay 352 ang langyaw.
Gikabutyag pa nga ang mga turista ga -overnight sa mga hotels, resorts og acccomodation facilities. Samtang ang day tourist ang naa sa 291,298 kung asa pulos domestic.
Nasayran nga hangtud sa bulan sa Mayo ning tuiga mukabat na sa 401,885 ang tourist arrival sa dakbayan.
Gibutyag ni Alcaya, nga luyo sa nagpabiling alert level 2 ang dakbayan aduna nay daghang seminar, conventions, meetings og daghan pang events nga gipahigayon kung asa dako ang tabang sa turismo ingon man sa ekonomiya sa Gensan.
Kahibaluan nga sa milabay nga mga bulan nanaghan ang mga lugar nga giablihan hinungdan gidagsa sa mga bisita .
