Nag-file na alang sa Chapter 11 protection bankruptcy ang US multinational company nga Tupperware Brands gumikan sa padayon niini nga lugi taliwala sa pagkatanyag niini kaniadto nga giila pa nga “iconic”.
Ang pagkapopular sa kompanya nagsugod niadtong 1950s. Gikabutyag nga mihinay kini sa milabayng mga dekada tungod sa mga kaatbang nga produkto mas barato ug environmentally friendly.
Kaniadtong miaging bulan, nagpakita na ug pagduha-duha ang kompanya bahin sa katakus niini nga magpabilin sa negosyo human nga nakitaan ug potensyal sa pagbangkaruta.
Sumala sa kompanya, nagtinguha nalang kini nga makakuha og pagtugot sa korte aron ipadayon ang pagbaligya sa mga nahibilin nga produkto niini.
Matud sa US Bankruptcy Court, gilista sa Tupperware ang $500 milyon-$1 bilyon nga gibanabana nga kabtangan apan $1 bilyon-$10 bilyon usab ang gibanabana nga utang sa kompanya.
