‘No Balance Billing’ sa Dr. Jorge P Royeca Hospital gihataga ug hugot nga pagtagad sa LGU Gensan

GENSAN – Nagpadayon gihapon nga giimplementar ang ‘No Balance Billing’ sa Dr. Jorge P Royeca Hospital.

Matud ni Gensan City Mayor Lorelie Pacquiao, sukad sa paglingkod niya sa katungdanan, usa kini sa iyang gihatagan og prayoridad hinungdan nga naggahin ang syudad og P100 o P150 million nga alang sa taga Gensan nga ma-admit sa maong ospital.

Sa iyang pamahayag, ang balanse sa pasyente sa iyang hospital bill ang maoy abagahon sa syudad aron masiguro nga walay mabayran ang sa ilang paggawas sa balay-tambalanan.

Bahin sa mga pasyente nga dili taga Gensan, adunay Memorandum og Agreement kon MOA ang ospital sa Sarangani Province tali sa LGU Gensan nga ma-zero balance gihapon sa ilang hospital bill ang pasyente.