Tulunghaan sa Indonesia nahugno, 3 patay samtang daghan ang samaron

Labing menos tulo ka mga estudyante ang namatay human nahugno ang usa ka eskwelahan sa Indonesia.

Ang hepe sa National Search and Rescue Agency nga si Mohammad Syafii miingon nga daghan pang uban ang nawala sa insidente nga nahitabo sa usa ka Islamic boarding school sa East Java province.

Dul-an sa 40 ka mga tao ang natanggong sulod sa nahugno nga building, busa ang mga paningkamot sa pag-rescue nagpadayon sa mga awtoridad.

Samtang labing menos 11 ka mga tao usab ang naluwas samtang 91 ang dali nga gipabakwit gikan sa building.

Ubay-ubay ang mga naangol nga gidala usab sa tambalanan.

Ang mga otoridad nagpadayon sa ilang imbestigasyon kung nganong nahugno ang building.