GENERAL SANTOS CITY -Usa ang patay, samtang lima ang angol human ang nadisgrasya ang forward nga sakyanan sa Burias Glan sarangani Province.
Ang namatay ang nailhan sa pangalan nga si Jomar Mat, 25 anyos samtang ang mga samaron mao ang helper sa maong sakyanan.
Gibutyag nga natigayon ang aksidente dihang ang sakyanan ang paingon sa Burias Glan gikan sa GenSan.
Ang forward ang gimanehuan ni Amid Husain Tahamadol, 41 anyos nga taga Formost Village GEnSan og pag-abot sa Prk mAlipayon sa Glan kalit matud pang nawad-an ug break hinungdan nga nadisgrasya..
Gikabutyag nga nalagpot ang mga sakay sa forward kon ang biktima nga si Jomar Mat ang nabunal ang ulo sa semento hinungdan sa iyang kamatayon.
Samtang nakaangkon lamang ang minor inujuries ang uban pang unom ka sakay sa sakyanan.
Samtang, patay usab ang usa ka motorista sa Ladol, Alabel, Sarangani, human mahagbong sa ginaayo nga kalsada, kagabii.
Wala matud pa namatikdan sa biktima nga si Cerilo Salingsing, 28 anyos, residente ning dakbayan, ang wala pa nahuman nga sementong dalan gumikan walay reflector signs ug ngitngit sa lugar.
Nahagbong kini hinungdan nga naigo ang iyang ulo sa semento, ug nalangkat ang agtang nga maoy hinungdan sa iyang kamatayon.
Samtang, gihaya na sa ilang panimalay si Jenny Zuniga, 31 anyos nga residente sa ASAI Village, Bula ning dakbayan.
Kini human bakwian sa kinabuhi human nabalintong ang gimanehuan nga motorsiklo sa Circumferential road sa Brgy. Mabuhay ning dakbayan, Agosto 20.
Giimbestigahan na sa mga otoridad ang nasampit nga mga aksidente sa dalan.
