GENERAL SANTOS CITY – Tulo ang patay, lakip ang usa ka pulis human sa pinusilay sa Purok Masagana, Barangay Baluan, General Santos City, September 12, 2024.
Kini human ang hot pursuit operation sa mga kapulisan batok sa duha ka suspek sa pagpatay kang Didith Reyes Alenjandria, hamtong, human gipusil sa panimalay niini sa 5th Road Baragay Calumpang ning syudad, pasado alas 11:00 sa buntag sa maong petsa.
Giila ni Police Major Robert Fores, Chief of Police sa Calumpang Police Station ang napatay nga pulis nga si Patrolman Benjamin Donton Difuntorum III.
Giila ang mga suspek nga silang Jessie Semini alyas “Bulldog”, kansa adunay standing warrant of arrest sa kasong murder ug laing alyas “Tagre”.
Gipahigayon ang operasyon sa panimalay ni Semini alas 6:50 sa gabie og namatakdan sa suspek nga padulong na ang operatiba hinungdan nga nagpabuto kini ug armas nga miigo kang Patrolman Difuntorum III.
Tungod niini mibalos ug pabuto ang kapulisan nga miresulta sa kamatayon sa duha ka mga suspek.
Nasayran nga si Semini ang gitudlo nga mipusil patay kang Alenjandria, usa ka negosyante.
Narekober sa balay ni Semini ang usa ka caliber 45 nga armas nga aduany usa ka buhing bana, steel magazine nga adunay upat ka buhing bala, mga empty shells sa suspected 5.56 caliber, mga several empty shells sa suspected caliber 45, mga slug og deformed slug, usa ka buhing bala sa suspected caliber 45.
Lakip pa sa narekober ang unom ka heat-sealed transparent plastic sachets nga adunay suspected shabu, mga drug paraphernalia, mga cellular phones, ₱4,872 cash, lain-laing identification card og resibo, mga sling bag, duha ka motorsiklo og duha ka helmet.
Samtang narekober usab kilid sa suspek nga si alyas Tagre ang caliber 45 pistol loaded sa usa ka buhing bala nga may steel magazine nga loaded sa duha ka buhing bala og empty shell sa suspected caliber 45.
Sa kasamtangan padayon usab ang imbestigasyon sa kapulisan aron sayron kung kinsa ang mastermind sa pagpamusil patay kang Alenjandria.
