GENERAL SANTOS CITY – Tulo katawo matud pa ang nadat-ugan sa pagkalusno sa tulay sa Power Tres de Mayo Digos City.
Sa eksklusibong pakighinabi sa Bombo Radyo GenSan, gisaysay ni Shiela Mae Jaictin nga residente sa Tres de Mayo Digos City nga ang nahugnong tulay ang gituohang gi-demolished tungod kini karaan na.
Sa gipadangat niining video, makit-an nga ang tapad sa nahugno nga tulay bag-ong construct nga tulay nga maoy giagian karon sa mga sakyanan. Gibutyag ni Jaictin nga nakit-an niya nga gisakay sa sakyanan ang mga biktima aron dalhon sa tambalanan.
Ang tulo ka biktima mga trabahante matud pa sa gi-construct nga bag-ong tulay og off-duty dihang nahitabo ang insidente.
Dugang pamahayag niini nga dili siya sigurado sa kahimtang sa mga nasampit human nga gidala sa ospital apan sa impormasyon may usa nga nahimong kritikal.
