Patay ang tulo ka mga pulis og usa ka babaye dihang gipusil sa usa ka Police Staff Sergeant sa Negros Oriental pasado alas 9 kagabie Enero 9, 2026.
Giila ang mga biktima nga silang Police Captain Jose Edrohil Cimafranca Chief of Police sa Sibulan Municipal Police Station, Police Senior Master Sergeant Tristan Chua, Patrolman Rey Albert Temblor og Shiela Mae Dinanao.
Samtang, ang suspek usab giila nga si Police Staff Sergeant Bonifacio Saycon nga misurender usab human ang usa ka oras nga pagtago.
Base sa inisyal nga imbestigasyon nagresponde ang tulo ka mga pulis dihang nakadawat og report nga gipusil ni Police Staff Sergeant Saycon si Shiela Mae Dinanao.
Sa dihang nagapabalik na ang mga nasampit sa police station dala ang suspek nga si Saycon nga ilang kabaro, gibutyag nga didto na nahitabo ang pagpamusil patay sa suspek sa tulo ka mga pulis.
Padayon sa karon ang ginapahigayon nga imbestigasyon aron masayran ang tinuod nga nahitabo.
