Nagsugyot si US President Donald Trump nga ang Ukraine ug Russia kinahanglan nga mohatag sa teritoryo aron tapuson ang sobra sa tulo ka tuig nga gubat.
Gilauman nga makigkita si Trump sa Presidente sa Russia nga si Vladimir Putin sa Alaska karung Biyernes, Agosto 15.
Ang mga lider sa Europe ug ang Presidente sa Ukraine nga si Volodymyr Zelensky nabalaka nga ang Estados Unidos mamugos sa usa ka kasabutan nga makadaot sa Ukraine.
Niinsister usab si EU foreign policy chief Kaja Kallas nga wala’y mga konsesyon nga kinahanglan himuon sa Russia hangtod nga adunay plano nga hunongon ang opensiba.
Gisulti usab ni Zelensky nga ang Russia dili mohunong sa gubat bisan sa mga konsesyon ug ang mga silot ug presssure sa Kremlin kinahanglan magpadayon.
Samtang ang Estados Unidos naghatag sa Ukraine og dugang nga armas ug nanghulga nga ipahamtang ang mga taripa sa lana sa Russia, dili pa klaro kung unsa ang tinuod nga sugyot ni Trump alang sa usa ka territorial swap.
Samtang, ang mga lider sa Europe magtagbo karong semanaha aron maporma ang usa ka puwersa sa pulisya sa wala pa ang mga pakigpulong sa Trump-Putin.
