GENERAL SANTOS CITY – Mukabat sa trese ka mga tulunghaan sa dakbayan ang nagsugod sa ilang limited face to face classes ning bulan sa Marso.
Matud pa ni GenSan Deped Supt. Romel Flores nga 10 ang gikan sa pampublikong tulunghaan og tulo sa mga pribadong mga tulunghaan.
Ang labing ulahi nga nagsugod sa limited face to face classes mao ang Romana Elementary School sa Calumpang ang usa sa labing dakong pampublikong elementarya sa dakbayan.
Malaumon si Flores nga sa sunod nga mga adlaw madugangan pa ang ihap sa mga tulunghaan nga makasugod sa limited face to face classes.
Kahinumduman sa pilot implementation sa limited face to face classes kaniadtong November 15, 2021 apil ang Aspang Elementary School sa Barangay San Jose.
Samtang December 6, 2022 nadugang sa listahan ang Klolang Elementary School, Datu Balunto National High School og ang Balakayo Elementary School sa Barangay Conel ning dakbayan.
Sukad nga nagsugod ang limited face to face classes walay natala nga natakdan sa kaso sa COVID 19.
