-- ADVERTISEMENT --
Dako na og tabang alang sa mga traysikol drayber kung ma-release na ang ayuda nga gisaad sa gobyerno, sumala kang Juanito Arellano, usa ka traysikol drayber nga naglaum nga makaangkon niini.
Matud ni Arellano nga dako kaayo ang kahupayan nga madala sa maong ayuda ilabi na karon nga padayon ang pagsaka sa presyo sa gasolina nga maoy dakong gasto sa ilang adlaw-adlaw nga panginabuhi. Dugang pa niya nga lisod kaayo sa mga drayber ang pagpangita og igo nga kita tungod sa taas nga gasto sa krudo ug ubos nga pasahero sa pipila ka mga oras sa adlaw.
Busa naglaum ang mga traysikol drayber nga sa labing dali nga panahon ma-release na ang ayuda aron makatabang sa ilang adlaw-adlaw nga panginabuhi ug sa pagpadayon sa ilang pagpamasada.
