Traffic Light sa Gensan karaan na ug guba na ang uban

General Santos City | Karaan na ang mga systema sa mga traffic lights nga anaa sa mga nagkadaiyang intersections sa dakbayan. Kini ang giklaro ni Engr. Riza Marie Paches, department head sa Public Safety Office may kalabotan sa reklamo sa nadaut nga mga traffic lights hilabi na sa Makar Area og sa Pioneer Avenue.

Matud ni Engr. Paches, kabahin ang mga traffic lights sa modernization program sa syudad nga sa pagkakaron anaa pa sa proseso sa pag-bidding.

Gibutyag niini nga may daan na nga onse ka mga traffic lights ang dakbayan nga angayan usab nga i-reconfigure.