Nakumpiska sa kapulisan ug mga sundalo ang daghan matang sa armas sa panimalay sa usa ka most wanted person nga may kaso nga robbery and traficking of narcotics.
Dakpon unta sa mga otoridad ang suspek nga si Dauren Kasim Manampen apan nakaikyas ug nahibilin ang M16 rifle, M14 rifle, caliber 50 barret sniper rifle, 7.62 millimeter bolt action sniper rifle rifle, B40 rocket launcher ug caliber 45 pistol ug mga eksplosibu.
Ang mga sakop sa Police Regional Office-Bangsamoro Autonomous Region ug Cotabato Provincial Police Office sa Region 12 kauban ang mga sakop sa 90th Infantry Battalion ang gisibatan ni Manampen samtang padulong pa lamang sa iyang Barangay Manaulanan.
Matud ni Police Brig. Gen. Romeo Juan Macapaz, director sa PRO-BAR nga kagahapon miabut usab sa lugar ang iyang counterpart sa Region 12, Brig. Gen. Arnold Ardiente nga kabahin sa operisyon nga nagresulta sa pagkakumpiska sa mga armas ni Manampen nga ginagamit sa suspek sa iyang aktibidad sa mga lugar duol sa Pikit sa Cotabato.
