Gikasuko sa mga fans gikan sa India sa American rock band nga Coldplay ang kamahal sa presyo sa tickets niini.
Nasayran nga adunay tulo ka adlaw nga concerts ang banda sa maong nasud sa bulan sa Enero sa musunod nga tuig og mahuman nga gianunsyo ang pagbaligya sa tickets, paspas kining nahurot sa sulod lang sa pipila ka minuto.
Daghang fans ang nagreklamo tungod pipila ka oras nila nga dili ma-access ang websites kung asa makapalit og tickets.
Adunay pipila pa ang nagreklamo nga nagbinuang pa ang mga websites.
Usa sa hilabihang gikasuko nila mao ang kalit nga pagbaligya sa maong mga tickets sa mga reselling platforms sa mas taas nga presyo.
Ang labing barato nga tickets mapalit og halos P2,000 samtang ang labing mahal anaa sa kapin P8,000 kung asa adunay kapin 10 million ka tawo ang nag-unhanay aron makapalit gikan sa mukabat sa 180,000 tickets.
Sa mga online reselling platforms sa India miabot ang labing mahal sa kapin P600,000 ang matag usa ka ticket.
Kini tungod gikonsidera na ang India karon nga target sa mga sikat nga singer kung asa nag-concert na sa lugar silang Ed Sheeran, Alan Walker og Dua Lipa.
