Gihingusgan sa Bangko Sentral ng Pilipinas (BSP) nga importante ang papel sa thrift banks sa pagpalambo sa ekonomiya sa nasod. Sumala sa datos kaniadtong Hunyo 2025, padaayon ang paglambo sa thrift banking industry, kung asa mitaas ang total assets, loans, deposits, og capital.
Miabot sa P908.1 bilyon ang net loans, pamatuod sa aktibong pagpautang sa sektor. Nagpabiling mas taas sa regulatory threshold ang minimum liquidity ratio.
Matod kay Deputy Governor Lyn Javier, ang digitalization dili lamang kabahin sa online platforms kun dili apil usab sa automation sa mga internal nga proseso. Gipahigayon kagahapon ang tinuig nga general membership meeting sa CTB sa Makati City.
Lakip sa misalmot ang President og CEO sa Bombo Radyo Philippines og Queen City Development Bank President Ms. Margaret Ruth C. Florete.
