GENSAN-Dugay ng problema ang drag racing dinhi sa dakbayan sa Heneral Santos ilabina sa mga National Highways og Diversion Roads.
Matud ni PLtCol. Joel Fuerte, labaw sa Traffic Enforcement Unit kon TEU Gensan, sa karon may pipila pa gihapon silang namonitor nga mga kabatan-unan nga nag-drag racing.
Gibutyag sa nasampit nga opisyal, sila lang ang gina bantayan sa mga nasangpit kung asa ilang gituohan nga may mga lookout sa dalan.
Hinungdan nga kung paduol na ang patrol car sa mga kapulisan wala nay maabtan nga drag racer gumikan nakasibat na. Busa, nangayo ug kooperasyon ang TEU sa mga Barangay ug sa mga katawhan sa Gensan nga ireport gilayon sa mga otoridad kung aduna may nagapahigayon ug drag racing sa ilahang lugar.
Sa pamahayag ni PLtC. Fuerte nga hilabihan ka-delikado ang drag racing nga kun madisgrasya, pwedeng ikamatay.
