GENSAN- Gibutyag ni Che Caballero, Bombo International Correspondent sa Israel nga sukad-sukad karon pa lang siya nakasinati og tinuod nga kahadlok sulod sa kapin siyam ka tuig nga pagpuyo sa Israel.
Dugang pa niini, delikado na kaayo ang padayong tensiyon tali sa Iran ug Israel kung asa ang mga missile nga gipabuto sa Tehran ang mokabat og 200-300 kabuok kada atake, kasagaran sa kaadlawon.
Daghang balay sa Israel ang adunay bomb shelter nga kasagaran sama kadako sa barko nga makasulod ang tibuok barangay.
Apan aduna gihapon mga lugar nga walay bomb shelter, hinungdan nga mas grabe ang epekto sa mga atake.
Nag-isyu na og advisory ang Philippine Embassy para sa voluntary repatriation, apan wala pay final decision tungod temporaryo usab nga gisirado ang mga establisiemento og mga operasyon sa maong lugar.
Bisan pa man, normal gihapon ang kinabuhi sa kadaghanan sa mga Israelis tungod naanad na sa kasamok sa gubat.
