GENERAL SANTOS CITY – Gihulipan na ang Task Force Gensan commander nga nakabase ning siyudad.
Base sa impormasyon gihulipan si Col. Galileo Goyena isip labaw sa joint task force gensan kon asa gihulipan siya ni Col. Ruben Aquino, dugang pa nga si Col. Aquino kanhing ground commander sa central minadanao hinungdan nga dako ang pagsalig sa armadong kusog sa pilipinas ang katakos niini nga magpabiling malinawon ang siyudad.
Kahinunduman nga si Col. Aquino usa sa nahimong battalion commander sa 6th infantry batallion nga nahimutang sa malabang Lanao del Sur sugod kaniadtong tuig 2016 hangtod 2018 asa iyang napahapsay ang gubat, mga kaliwat o clan wars og nakapasurender sa gatusan ka mga armas nga ginagamit sa kasamok, Og tungod sa iyang kasinatian mamahimong dalhon niini ang iyang kahanas sa conflict management og security operations sa pagdepensa mga critical infrastructure og mga lungsuranon sa dakbayan.
Si Col. Aquino ang miyembro usab sa Philippine Military Academy Bantay laya class of 1994.
