Nagbinayloay og mapintas nga pamahayag si Philippine Coast Guard spokesperson for the West Philippine Sea Rear Admiral Jay Tarriela ug Davao City Representative Paolo “Pulong” Duterte kabahin sa isyu sa West Philippine Sea (WPS).
Sa usa ka Facebook post, gipangutana ni Tarriela nganong siya ang gipunting sa kritisismo ni Rep. Pulong imbes nga ang China, nga iyang giingong padayon nga nanghasol ug nanghasi sa mga Pilipino sa WPS.
“Honorable Paolo Duterte, grabe naman ang haba ng post mo, at parang may personal kang galit sa akin. Bakit ako ang kinagagalitan mo, gayong China ang nangigipit sa mga Pilipino. Parang magkakampi pa kayo—pareho kayo ng linyahan. Pro-China ka ba, Sir?” matud ni Tarriela sa iyang post niadtong Miyerkules sa gabii.
Gipanghimakak usab ni Tarriela ang alegasyon nga nakadawat siya og P10 milyon matag bulan nga ayuda, ug giawhag ang kongresista nga dili magpakaylap og sayop nga impormasyon.
“Walang 10 million akong “ayuda.” Pero kumusta naman ang P51 billion na binanggit ni Usec Cabral noong nakaraang taon? Naubos na ba? Maraming naghahanap, lalo na’t bumaha na naman sa Davao. Huwag kang mag-alala— kukwestyunin rin yan balang araw,”dugang niyang pamahayag.
Sa sayo pa, gisaway ni Rep. Pulong si Tarriela tungod sa iyang kanunay nga paghatag og media interviews imbes nga tutokan ang paggamit sa diplomatic channels sa gobyerno sa pakig-atubang sa China.
Matud ni Pulong, dili tanang panaglalis tali sa mga nasod ang angay idala sa media.
“Hoy Tarriela…kung nag-aral ka ba naman nang mabuti sa PMA (Philippine Military Academy), alam mo sigurong may tinatawag tayong diplomatic channels. Hindi lahat ng usapin sa pagitan ng mga bansa ay dinadaan sa media interviews at sound bites. May diplomacy. May statecraft. May tamang paraan ng pagprotekta sa pambansang interes,”matud ni Rep. Pulong sa iyang Facebook post.
Tubag ni Tarriela, nagpadayon ang diplomatic relations tali sa Pilipinas ug China, apan importante usab nga mahibal-an sa publiko ang tinuod nga nahitabo sa West Philippine Sea.
Gipadayag usab niya nga ang China ang naglapas sa katungod sa Pilipinas subay sa 2016 Arbitral Award ug sa United Nations Convention on the Law of the Sea (UNCLOS).
“Diplomacy daw? Sino ang nagsabi sa iyo na wala na tayong diplomatic engagement sa China? Ang mismong presence ng kanilang embahada at consulate offices dito ay patunay na tuloy-tuloy ang ating diplomatic relations,” matud ni Tarriela.
“Huwag kang malito: China ang may sariling interpretasyon ng mga insidente, ng UNCLOS, at ng 2016 Arbitral Award— hindi ako. Ang ginagawa ko lang ay ilahad sa publiko ang totoong nangyayari sa WPS,”dugang pa niya.
Samtang, gipatin-aw ni Rep. Pulong nga ang iyang panawagan nga dili “i-demonize” ang China wala magpasabot nga iyang gisuportahan ang Beijing.
“Ang sinabi kong huwag i-demonize ang China ay hindi ibig sabihin niyan na kinakampihan ko ang China o isinusuko ang ating soberanya sa West Philippine Sea,”matud sa kongresista.
