Tanang mga ospital sa GenSan nakadawat og Astrazeneca vaccine

GENERAL SANTOS CITY – Tanang mga ospital sa syudad sa Heneral Santos ang nakadawat og Astrazeneca vaccine.

Kagahapong adlawa dihang miabot sa syudad ang maong bakuna gkan sa Department of Health 12.

Matud pa ni Arjohn Gangoso, tigpamaba sa DOH 12 nga 84 ka vials ang gigahin alang sa napulo ka mga hospital sa syudad kung asa kada usa ka vial adunay 10 ka doses sa vaccine.

Samtang karong adlawa usab magsugod ang pagbakuna alang sa mga nagtrabaho sa mga tambalanan.

Gibutyag nga bolontaryo ang pagbakuna sa mga health workers og dili pinugsanay.

Gipaklaro sa buhatan sa maayong panglawas nga kung unsa nga brand sa bakuna nga unang nadawat mao usab kini nga bakuna ang angayan nga iturok kaniya sa ikaduha nga dose.