GENERAL SANTOS CITY – Gipasigarbo sa Sarangani Province nga ang dili lamang nakatutok ang Department of Education (DepEd) sa natad sa academics.
Matud pa ni Paul Allen Villamora, provincial sports development officer sa Sarangani nga suportado sa probinsya ang tanang programa sa Sarangani National Sports Academy (SANSA).
Gikadugang pa ni Villamora nga world class ang maong sports academy nga maoy maghulma sa mga batan-on alang sa ilang gikahiligan nga sports.
Gipasigarbo usab sa probinsya ang olympic size nga swimming pool nga 25 by 50 ang gidak-on.
Sa iyang pamahayag nga unang nahuman ang phase 2 sa mga pasilidad nga adunay pito ka mga dormintories building, lecture room-locker room, og uban pa.
Samtang ang phase 1 mao ang multi sports gym nga kaya nga volleyball court , tennis court , basketball court, og uban pa.
Ang maong multi sports gym ang adunay indoor track nga pwede magbansay bisag init o may ulan.
Malaumon ang probinsya nga pinaagi niini adunay national o international athlete gikan sa Sarangani.
Sa pagkakaron pulos mga taga Sarangani pa lamang ang ilang gidwat nga mga estudyante.
Sa school year 2020-2021 ang giablihan nga programa mao ang athletics, combative og swimming.
