GENERAL SANTOS CITY – Padayon pang giimbestigahan sa kapulisan sa Tambler Police Station ang kaso sa pagpamusil sa usa ka lalaki sa Deca Homes Gensan sa Brgy. Calumpang kagahapong adlawa.
USa sa sutaon kon aduna pay laing kaso ang suspek nga si Alejandro Macabudbod Adloam alias Allan, 52 anyos, lumulupyo sa Deca Homes, Brgy Calumpang ning syudad.
Human matawagan ang Tambler Police Station, ila nalang naabtan sa crime scene ang mga lingkuranan, lamesa ug mga bote sa ilimnong makahubog.
Sa initial investigation sa kapulisan, migawas nga samtang anaa sa serye sa inom ang biktima nga si Ryan Cadelina Armada, 29 anyos nga welder kauban ang lain pang mga indibidwal ug ang suspek Kalit nga nagyawyaw ang suspek sa biktima hinungdan giduolan sa mga kaubanan ug gipakalma apan nibunot kini ug pusil ug gipabuthan ang kainom.
Gitabangan pa nga punggan ang suspek maong nabuy-an ang pusil apan nahimo gihapon niining maka ikyas sa panghitabo gamit ang motorsiklo.
Nakaangkon ug samad pinusilan ang biktima sa lawas, dali kining gidala sa balay tambalanan, ug anaa sa stable nga kondisyon ang biktima.
Narekober sa kapulisan ang usa ka unit sa caliber 45, mga buhing bala ug empty shells sa pusil nga pulos gi-turn over sa Regional Forensic Unit 12 alang sa Laboratory examination, samtang usa ka itom nga motor usab ang na-recover sulod sa maong lugar.
Ning higayuna, nagpabiling at-large ang suspetsado.
