Talagsaong matang sa Labubu figure napalit sa auction og kapin  P8-M

Nabaligya sa auction sa kantidad nga $150,000 (kapin sa P8 million) ang usa ka talagsaong first-generation Labubu figure.

Ang maong figurine 51 ka pulgada ang gitas-on, kolor mint green, ug adunay hitsura nga sama sa gremlin.

Gibaligya kini sa Yongle International Auction House sa Hong Kong.

Ang Labubu usa ka popular nga plush toy karon, nga gimugna sa illustrator nga natawo sa Hong Kong nga si Kasing Lung.

Gibaligya kini sa dakong Chinese toy company nga Pop Mart.

Sa maong auction, 48 ka buok Labubu figures ang nabaligya.

Ang ikaduhang labing mahal nga item kay usa ka brown-colored Labubu nga 63 ka pulgada ang gitas-on ug nabaligya sa kantidad nga $114,086 (kapin sa P6 milyon).