GENERAL SANTOS CITY – Nagpaklaro si Mary An Bacar, department head sa City Housing Land and Management Office (CHLMO) kalabutan sa gikatakdang pagdemolish sa area sa Zone 6, Bula ning syudad.
Matud pa ni Bacar nga gihimo sa syudad ang tanan nga mapalit ang maong area aron makapadayon sa pagpuyo ang mga residente apan wala gibaligya sa PNB.
Sa iyang pamahayag nga may formal communication ang lokal nga gobyerno ngadto sa PNB kalabutan sa kagustuhan sa syudad nga paliton ang maong area apan ang tubag nga dili ibaligya.
Gikadugang pa niini nga anaa sa iyang opisina ang kwarta nga sa katibuk-an anaa sa P17 million ang gigahin alang sa pagpalit og yuta.
Ang solosyon sa syudad nga ibalhin sa Guardian Hills, Bawing ang mga nasampit apan mibalibad gumikan layo ang maong dapit.
Giangkon ni Bacar nga miadto na ng sherriff sa maong dapit nga gapahibalo kalabutan sa gikatakdang demolisyon apan adunay proseso pa nga matigayon.
