GENERAL SANTOS CITY- Gihingusgan ni Prof. Mario Aguja, sa Mindanao State University kon MSU GenSan nga temporary relief lang ang pagsuspenso sa excise tax sa presyo sa produktong petrolyo.
Matud pa ni Prof. Aguja nga ang nag-unang panawagan nga undangon na ang Oil deregulation law kung asa walay gahum ang gobyerno sa presyo sa produktong petrolyo og gihatag ang tanan sa kompanya sa lana.
Sa pamahayag ni Aguja nga walay benepisyo ang katawhan sa Republic Act 8479 o “Downstream Oil Industry Deregulation Act of 1998” o Oil deregulation law.
Gibutyag ni Aguja nga gumikan upat lang ang kompanya sa lana pwede nga magsabot kung pila ang presyo sa produktong petrolyo kung asa dili makapanghilabot ang gobnyerno.
Buot ipasabot nga kontrolado sa mga anaa sa oil industry ang presyo og walay mahimo ang gobyerno.
