Gipasalig sa Department of Agriculture (DA) nga bastante ang suplay sa karne sa baboy sa Pilipinas bisan sa bag-o nga outbreaks sa African swine fever (ASF) sa upat ka mga lugar sa Batangas.
Matud ni DA Assistant Secretary og spokesman Arnel de Mesa, wala kini daku nga epekto sa suplay sa Metro Manila gumikan ang Central Luzon mao usab ang ginakonsidera nga principal pork producer og supplier.
Base sa latest monitoring sa DA, ang presyo sa pork belly anaa sa P320 og P400 matag kilo samtang ang pork shoulder usab ang anaa sa P285 og P380 matag kilo.
Nagdinali na ang local government units aron matapna ang outbreak og malikayan ang pagkatag sa balatian sa uban nga mga lugar.
Gibasol sa opisyal ang pag-ulan og pagbaha dala sa bagyong Carina og Habagat nga mao ang rason sa paggawas usab sa maong sakit sa baboy gumikan primary vector sa virus ang tubig sama usa sa nahitabo nga pagbaha sa Central Luzon.
