GENERAL SANTOS CITY – Dili muondang ang PDEA-12 og ubang law enforcement units sa pag-hanting sa mga drug groups sa rehiyon dose.
Kini ang gibutyag ni Dir. Valente Cariño human nga naaresto ang pipila ka miembro sa usa ka organized big time drug group sa operasyon nga gipahigayon sa PDEA og PNP sa Pikit, North Cotabato buntag sayo niadtong Sabado, Enero 27.
Unom ka search Warrants ang gi-implementa kalabut sa Comprehensive daangero us drugs Act of 2002 nga nagresulta sa pagkaaresto kay Johaina LAbarios nga residente sa maong dapit.
Nakuha gikan kaniya ang 13 ka sachet sa gituohang shabu.
Nasikop usab si SAMER TANDEN alyas SAMIR, og BAINA TANDEN nga residente gihapon sa nasampit nga lugar.
Nakuha sa duha ang duha ka brown og black leather pouch nga may unod nga 14 ka sachet sa shabu. Laing operasyon sa maong lugar gihapon ang gipahihayon kung asa target ang nagpangalan og ALIAS KADIL PAGADATAN og ALIAS BAKWIT, apan ang mga nasampit ang pulos nakasibat human namatikdan ang presensya sa mga otoridad. Apan nrekober sa ilang panimalay ang mukabat sa 18 ka sachet sa shabu.
Gibutyag ni Dir. Cariño, ang ilang mga dinakpan ang sakop sa BAWAN drug group ga-operate sa Pikit og Kabacan, North Cotabato og kasikbit nga mga lugar lakip sa ubang mga munisipyo sa Maguindanao.
Samtang, Samtang, laing mga personalidad usab ang nadugang sa listahan sa mga nasikop nga drug trafficker sa PDEA 12 human ang gipahigayong operasyon sa Bohol, Barangay Calumpang, ning syudad niadtong Sabado.
Pinaagi sa hiniusang puwersa sa PDEA 12 og General Santos City Police Office -City Drug Enforcement Unit nasikop ang nagpangalan og Julito BADE , 27, ulitawo, mag-uuma nga residente sa maong lugar, HAZEL FAITH DADIVAS , 30, residente sa Prk. Lorenzo, Brgy. Apopong og GILBERT PANISAN, 25, laborer, taga Dagohoy Riverside, Dad. North.
Nakumpiska sa mga nasampit atul sa operasyon ang duha ka sachet sa suspected shabu og P500.00 mark money. Giandam na sa kapulisan ang kasong paglapas sa Section 5 (pagbaligya ug druga) in relation sa Section 26 (Conspiracy), Article 2 sa RA 9165 o Comprehensive Dangerous Drugs Act of 2002” ang ipasaka sa korte batuk sa suspects nga nagpabiling balhug sa PDEA 12 Detention Facility.
Dugang kaso sa paglapas sa Sec. (Paghupot og Druga) ang ipasang-at batuk kay Bade.
Si Alias BASIR nga nakaikyas sa kapulisan ang pasakaan usab og kasong pagsupak sa Section 5(pagbaligya ug druga) sa Article 2 sa RA 9165.
